Dalīties
Novērtē

Beju Bolvu Nūvoda muzejā iz Jura Cybuļa (Juris Cibuļs) ābeču kolekcejas izstuodes atkluošonu.

Paļdis! Jurs Cybuļs ir unikala personeiba i juo kolekceja ir unikala! Vaira par 12 tyukstūšu ābeču 1337 volūduos ( i tys skaits vysu laiku pīaug). Ābeces nu vusa pasauļa, ari daudzi ābeču (lementaru) izdavumu latvīšu i latgalīšu volūdā.

Ar prīcu pīminu, ka Jurs Cybuļs man beja angļu volūdas školuotuojs, kod vuicejūs Tiļžas v-školā. Jis ir myusu nūvadnīks, juo dzymtuo vīta ir tagadejā Lozdulejas pogostā. 1990.goda majā jis beja vīns nu tūs, kas nūbolsova par Latvejas Republikas naatkareibas atjaunuošonu. 1992.godā kūpā ar Lidija Leikuma izdeve pyrmū latgalīšu ābeci/lementari piec padūmju okupacejas laika latgalīšu volūdas aizlīguma.
   

Kotru reizi ar interesi klausūs juo uzastuošonas par daudzveideigū volūdu pasauli.
   

Paļdis ari Bolvu Nūvoda muzejam, ka ir īspieja īpazeit Jura Cybuļa kolekceju!

Inanta Slišāna fotostāsti

Galerija
Imants Slišāns: Beju iz Jura Cybuļa ābeču izstuodes atkluošonu
Imants Slišāns: Beju iz Jura Cybuļa ābeču izstuodes atkluošonu
Imants Slišāns: Beju iz Jura Cybuļa ābeču izstuodes atkluošonu
Imants Slišāns: Beju iz Jura Cybuļa ābeču izstuodes atkluošonu 4 BILDES